BAHAN
SERMON HKI DAERAH XI SUMATERA TIMUR III
Minggu VIII DUNG TRINITATIS, 11 Agustus 2019
Ev:
Mateus 8: 23-27 Ep: 2 Raja – raja 5: 8-14
JESUS
DO PANGURUPI DI HITA
I.
Patujolo
Ia buku Mateus,
ima buku na disurathon ni si mateus ima sada sian sampulu dua sisean ni Jesus.
taboto do ulaonna uju so mangihuthon Jesus, ima songon sijalo beo di huta
Kapernaum. Hombar tu konteks panurathon ni buku on, ima tu halak Jahudi. Sian
barita na disurathon dibuku mateus, godang do angka pangajarion na pinasahat ni
Jesus tu angka na torop na mangihuthon ibana, suang songoni ma angka pambahenan
na niulahon Jesus marhitehon angka tanda halongangan laho patuduhon huaso na
adong di Ibana paboa anak ni Debata do ibana na ro tu portibion laho
mamaritahon haluaon mamboan tu hangoluan ngolu ni jolma na mian dibagasan
dosa. Buku Mateus disurathon tu bangso
Jahudi laho patoranghon manang mangalusi angka sungkun-sungkun sian nasida
taringot tu identitas ni Jesus, jotjot do sian bangso Jahudi naso marlomoni
roha tu si Mateus.
II.
Hatorangan
Secara ringkas,
molo taida konteks na adong diturpuk on, ima pardalanan ditingki Jesus dohot
angka siseanna laho sian Kapernaum tu Gerasa, sada huta na adong dibariba ni laut
Galilea, dipilit nasida do ingkon marparau (jalur laut), jadi pasti adong
habahaba na naeng siadopan nasida, memang piga-piga sisean ni Jesus jotjot do
marparau, otomatis pasti nunga hea
dihilala nasida masa haba-haba molo marparau, alai tung balga situtu do
habahaba di tingki i. Anggo Jesus nunga modom dipudini kapal dung mardalan
parau i. Ditonga pardalanan nasida, tung mansai balga situtu do habahaba
ditingki i. Mabiar situtu ma nasida (angka sisean ni Jesus) jala didungoi ma
Jesus, didok ma , “ Ale Tuhan, urupi ma; na mago ma hami.” Jadi dungo ma Jesus
jala di alusi ibana, gabe didokma, “Na mabiar do hamu hape, hamu parhaporseaon
na metmet?”, dungi dipaso
Jesus habahaba i, gabe menak situtu ma. Jadi jolo dipasingot Jesus do angka
siseanna na hurang porsea i, dungi pe dipaso habahaba i.
Mabiar situtu do
angka siseanni Jesus mangadopi habahaba, diuji do haporseaon ni nasida laho
mangadopi namasa nangpe dibagasan pardalanan nasida rap dohot Jesus. Tidak ada
lautan tanpa ombak/badai dan tidak ada hidup tanpa masalah, marhitehon angka pangunjunan,
hamaolon, hasusaan boi gabe biar jala ganggu haporseaon ni jolma. Ise do jolma
diportibion na so adong biar dibagasan rohana?. Ngolu hakristenon ima ngolu martudosan
Kristus Jesus, naeng do ngolunta marhaporseaon holan tu Jesus. Sipata dibahen
Debata do tu hita pangunjunan (ujian), ragam ni ujian i marpardomuan tu holong
nirohanta tu dirinta dohot tu haporseaonta. Jotjot do maol niantusan
panogunoguon ni Debata.
Tung mansai godang do angka ragam hamaolon nang hasusaan i; isarana sian segi ekonomi, parkarejoan, parsahiton, keluarga,
parsingkolaan, rongkap, parsaoran, parhuriaon, masyarakat nang sian negara
pe. Angka persoalan i sipata boi do tarduga hita manang sotarduga hita.
Jala angka na sotarduga on ma na nidok na i pangunjunan i manang habahaba.
Saluhutna i ala keterbatasan ni jolma i do, ndang adong na singkop, tung so boi
do hita mangasahon pingkiran, hapistaran, nang arta na di portibi on, sude na i
terbatas do. Jala ndang tardungdung hita parbinotoan ni Debata na gok bisuk i.
ala ni ijotjot do ala so pamotoan manang ala keterbatasanta, manang ala ni
haotoonta boi hita madabu tu ragam pangunjunan, parmaraan, sitaonon, jala boi
do gabe madabu tu pandelean manang manundali Debata. Hape sasintongna molo
tarajumi angka na masa dibagasan ngolunta sai dipangke Tuhan Debata do angka
arsak nang las ni roha laho pahot haporseaonta songon nanidok BE
No.707:1 Hagogoon dohot apul-apul, do dilehon Tuhan I tu au, Ganup ari au
ditogu-togu, ganup tingki diondingi au. Ai hombar tu lomo ni rohaNa , do
dilehon Tuhan I tu au, Ro marsorin arsak las ni roha, haporseaon hu di patau.
Haporseaon i do na mambahen hita togu, ndang marsak be hita tingki adong
sitaonon. Dipatudu Debata do holongna marhite ragam angka namasa di ngolunta;
ndada holan di las ni roha, dibagasan arsak pe ima angka hamaolon hasusaan tong
dipatudu i sada bagian sian holongNa laho mangajari hita asa unang mura hita
mandele, jala unang talu binahen ni angka na masa di ngolunta. Ibana do naung
dipaojak Debata na paluahon portibion, na ro sian banua ginjang tuat tu
portibion, asa unang ma tarela-ela hita tu pangajarion di portibion na
mangajarhon sarupa do sude haporseaon na adong diportibion. Saluhut angka na
masa, haporsuhon, angka na jat, bahkan hamatean pe, asa tongtong ma tapasahat
ngolunta tu Debata, ai holan Ibana do na tuk mangurupi hita disaluhut angka na
maol laho siadopan ta. AMEN
D. Sihombing, S.Th
Tidak ada komentar:
Posting Komentar